FLOTEL: UN ALIVIO

ANOVA, ante a noticia de que NAVANTIA conseguíu o contrato da construcción do flotel, expresa as seguintes consideracións:

1.- O contrato supón apenas un alivio para a situación extrema naque nos atopamos:

Taxa de actividade de Ferrol 44,2 % a máis baixa das 7 cidades galegas

Taxa de ocupación de Ferrol 30,1 % a máis baixa das 7 cidades galegas

Taxa de paro de Ferrol 31,9 % a máis alta das 7 cidades galegas

Porén calificamos o feito como unha boa noticia para a comarca e para os traballadores : 450 evitarán engrosar as listas de desemprego.

2.- A consecución do dique flotante segue a ser a ferramenta imprescindíbel de garantía de traballo no curto prazo ( segunda pata da mesa xunto co flotel) que permita manter aberta a esperanza de futuro para o naval.

3.- O vindeiro 31 de decembro remata o veto para NAVANTIA Fene e a limitación do 20% á construcción civil Navantia Ferrol polo que apelamos aos axentes económicos e sociais a procurar unha estratexia común que impida prorrogar esta situación e abra as portas a unha nova política económica e industrial que teña como eixo a construcción civil no naval e que se marque como obxectivo rematar co monocultivo industrial.

Homenaxe Amada Garcia

Anova Ferrol estivo presente no acto de homenaxe a Amada Garcia no Castelo de San Felipe e ás victimas do franquismo no cemiterio de Serantes.

https://picasaweb.google.com/105026413138706810713/HomenaxeAAmadaGarcia2014#slideshow/5973678293262376850 (Fotos Memoria Histórica Democrática)

A pegada dos avós

Anova Ferrol transládavos a invitación da organización Memoria Histórica Democrática á asistencia da presentación da longametraxe documental "A pegada dos avós" que terá lugar o venres 24 de xaneiro ás 20 horas na Fundación Caixa Galicia, na Praza da Constitución en Ferrol.

DIQUE SI. ABONDA DE MENTIRAS.

DIQUE SI.

ABONDA DE MENTIRAS.

O desmentido da UE, que hoxe recolle os medios de comunicación, respecto das consultas ( non) realizadas e a afirmación taxativa de que aínda están agardando información relativa sobre o dique flotante do goberno español supon un “suma e segue” que confirma a situación crítica na que se atopa a comarca e a desafección duns dirixentes políticos repecto da cidadanía que din representar. Alen diso ratifica que o estado natural dos governos español e de Compostela é o da mentira e propaganda.

ANOVA- Ferrol manifesta :

1.- que non hai ningún interese en que Navantia Ferrol poida materializar unha estratexia de futuro contando cunha ferramenta que lle garante traballo no presente : o dique flotante.

2.- que a política respecto ao naval na nosa comarca, e na Galiza, é o resultado dunha planificación que tivo as súas primeiras medidas na “reconversión” dos anos 80 e que, de xeito implacábel, se veu materializando medida a medida e ano a ano até hoxe con distintos protagonistas na administración pero co resultado que hoxe temos ante os nosos ollos a pesar de ser repetidas veces aprobadas nos distintas institucións ( concellos, parlamentos) de xeito unánime resolucións de apoio ao levantamento do veto á construción civil, ao dique flotante e aos floteis.

3.- que non é o mellor camiño situar á cidadanía na desesperación e na invisibilidade dun futuro, xa non para un, se non que para os nosos fillos.

ANOVA – Ferrol apelamos a unidade expresada nas distintas mobilizacións e loitas realizadas pola cidadanía na nosa comarca para que a resposta sexa unánime e clara. A pesar do presente tan negativo que nos asfixia co índice de desemprego, emigración e de situación de extrema necesidade de centos de familias, Sabemos que temos futuro.

ANOVA suma a súa voz á esixencia de solucións para esta comarca. Expresamos, con máis convinción que nunca , que o mellor servizo que lle poden prestar á comarca os actuais dirixentes comarcais na institucións do PP é presentar a dimisión.

Foto: Voz de Galicia

Ferrol, 15 de xaneiro de 2014

Concentración ás 20 horas

ANOVA Ferrol fai un chamamento á cidadanía para que apoie dun xeito activo a concentración ás 20:00 horas diante do concello ( Praza de Armas) para expresar a repulsa polo asasinato de Adela Ramos e Mª José Suárez López compatriotas veciñas de Cervo.

Asemblea extraordinaria de Anova Ferrol

Anova : todos e todas militantes decidiremos o programa e as alianzas de cara ás eleccións europeas.
Procuramos unha fronte ampla non excluínte de cara á creba democrática da II Restauración Borbónica co obxectivo dun proceso constituínte na Galiza. Procuramos solucións aos gravísimos problemas que nos afectan.

Esta fase de debate nas asembleas precederá a unha asemblea nacional deliberativa a finais de xaneiro e o vindeiro mes de febreiro a militancia de Anova decidirá nun referendo as posíbeis alianzas de cara ás eleccións europeas.

Seguindo os acordos da Coordinadora Nacional do 14 de decembro , desenvolvidos pola Permanente da Coordinadora nacional do dia 21 de decembro e por acordo da Coordinadora local de Ferrol do día 26 de decembro Anova Ferrol:


Convoca asemblea extraordinaria o vindeiro 9 de xaneiro ás 19:30 horas no Ateneo Ferrolán para debater como punto único as propostas programáticas de Anova para as eleccións europeas. A asemblea será aberta, e esperamos contar con vós para facer o maior número de achegas alén dun fraternal debate.

O que esconde o viaducto do tren ao porto exterior

Video realizado por Salvemos a Malata